मण्डलवर्गीकरणम्

हे इन्द्र पुरुष्टुतस्य पुरुभिर्बहुभिः स्तोतृभिः स्तुतस्य शतेनापरिमितसंख्याकैर्धामभिस्तेजोभिर्युक्तस्य चर्षणीधृतश्चर्षणीनां मनुश्याणां कर्मानुष्ठातॄणामभिमतफलसंपादनेन धारकस्येन्द्रस्य । यद्वा । आकृषन्ति सर्वमनेनेति चर्शणि बलम् । तद्धारकस्य तव महयामसि । स्तोत्रं कुर्मः । पुरुष्टुतस्य । ष्वुञ् स्तुतौ । कर्मणि क्तः । थाथादिस्वरः । सम्हितायां स्तुतस्तोमयोश्छन्दसीति षत्वम् । महयामसि । मह पूजायामित्यस्य लटीदन्तो मसिः । निघातः । चर्षणीधृतः । कृष आकर्षणे । कृषेरादेश्च चः । उ. २-१०५ । इत्यनिप्रत्ययः । ककारस्य चकारादेशः । यद्वा । कृष विलेखने । कर्षन्तीति चर्षणयो मनुश्याः । धृ धारणे । क्विप् । कृदुत्तरपदस्वरः ॥ ४ ॥