स नो॑ बोधि श्रु॒धी हव॑मुरु॒ष्या णो॑ अघाय॒तः स॑मस्मात् ॥
सः । नः॒ । बो॒धि॒ । श्रु॒धि । हव॑म् । उ॒रु॒ष्य । नः॒ । अ॒घ॒ऽय॒तः । स॒म॒स्मा॒त् ॥
हेअग्ने सत्वंनोस्मान् बोधि बुध्यस्व हवमस्मदीयमाह्वानंश्रुधि श्रृणु अघायतः अघमिच्छतः समस्मात् सर्वस्मात् जनात् नोस्मान् उरुष्य रक्ष हेशोचिष्ठ अतिशोचिष्मन् दीदिवः स्वतेजोभिर्दीप्ताग्ने तं त्वा त्वां सुम्नाय सुखाय सुम्नमितिसुखनाम तदर्थंसखिभ्यःसमानख्यातिभ्यः पुत्रेभ्यः तदर्थंच नूनं ईमहे याचामहे ॥ ३ ॥ ४ ॥
अच्छावोअग्निमितिनवर्चमेकादशंसूक्तं अत्रानुक्रमणिका-अच्छावोनववसूयवआनुष्टुभमिति । आत्रेयावसूयुनामानऋषयः अनुष्टुप् मंडलादिपरिभाषयाग्निर्देवता प्रातरनुवाकाश्विनशस्त्रयोरुक्तोविनियोगः प्रातः सवनेअच्छावाकवदस्वेत्युक्ते अच्छावोअग्निमवसइतितृ- चमनुब्रूयात् तथाचसूत्रितं-अच्छावोअग्निमवसइतितृचमन्वाहेति ।