यो जना॑न्महि॒षाँ इ॑वातित॒स्थौ पवी॑रवान् ।
उ॒ताप॑वीरवान्यु॒धा ॥
यः । जना॑न् । म॒हि॒षान्ऽइ॑व । अ॒ति॒ऽत॒स्थौ । पवी॑रवान् ।
उ॒त । अप॑वीरवान् । यु॒धा ॥
योऽसमातिर्जनान् स्वविरोधिभूतानतितस्थौ अतिक्रम्य तिष्थति। पराभावयतीत्यर्थः। क इव। महिषान् सिंह इव। कीदृशः सन्। पवीरवान्। पवीर पविः। खड्गवान्। उतापि चापवीरवानपगतखड्गः सन्। शस्त्रसाहाय्यमपि कदाचिन्नापेक्षत इत्यर्थः। किं कुर्वन्। युधा योधनेन। युद्ध्वेत्यर्थः॥३॥