सर॑स्वान्धी॒भिर्वरु॑णो धृ॒तव्र॑तः पू॒षा विष्णु॑र्महि॒मा वा॒युर॒श्विना॑ ।
ब्र॒ह्म॒कृतो॑ अ॒मृता॑ वि॒श्ववे॑दस॒ः शर्म॑ नो यंसन्त्रि॒वरू॑थ॒मंह॑सः ॥
सर॑स्वान् । धी॒भिः । वरु॑णः । धृ॒तऽव्र॑तः । पू॒षा । विष्णुः॑ । म॒हि॒मा । वा॒युः । अ॒श्विना॑ ।
ब्र॒ह्म॒ऽकृतः॑ । अ॒मृताः॑ । वि॒श्वऽवे॑दसः । शर्म॑ । नः॒ । यं॒स॒न् । त्रि॒ऽवरू॑थम् । अंह॑सः ॥
धीभिः प्रज्ञाभिर्युक्तः सरस्वानेतन्नामा धृतव्रतो धृतकर्मा वरुणश्च पूषा महिमा महत्त्वेन युक्तो विष्णुश्च वायुरश्विनाश्विनौ बृह्मकृतः कर्मकृतः स्तोतॄणामन्नदातारो वा विश्वव्दसः सर्वढना व्याप्तज्ञाना वांहसः पापरूपानां शत्रूणां हन्तारोऽम्रुता एते देवानोऽस्मभ्यं त्रिवरूथं त्रिष्कम्भं त्रिकक्ष्यं शर्म ग्रुहम् । यद्वा। त्रिवरूथम् । द्रोणाधवनीयपूतभृत्संज्ञकानि त्रीणि पात्राणि यत्रव्रियन्ते सम्भज्यन्ते तद्यज्ञसाधनं गृहम् । यंसन्। प्रयच्छन्तु। यच्छतेर्लेटि सिष्यडागमः॥५॥