त्वामिद॒स्या उ॒षसो॒ व्यु॑ष्टिषु दू॒तं कृ॑ण्वा॒ना अ॑यजन्त॒ मानु॑षाः ।
त्वां दे॒वा म॑ह॒याय्या॑य वावृधु॒राज्य॑मग्ने निमृ॒जन्तो॑ अध्व॒रे ॥
त्वाम् । इत् । अ॒स्याः । उ॒षसः॑ । विऽउ॑ष्टिषु । दू॒तम् । कृ॒ण्वा॒नाः । अ॒य॒ज॒न्त॒ । मानु॑षाः ।
त्वाम् । दे॒वाः । म॒ह॒याय्या॑य । व॒वृ॒धुः॒ । आज्य॑म् । अ॒ग्ने॒ । नि॒ऽमृ॒जन्तः॑ । अ॒ध्व॒रे ॥
अस्या इदानीं दृश्यमानाया उषसो व्युष्टिषु विवासनेषु प्रभातेषु सत्वु हे अग्ने त्वामित्त्वामेव देवानां दूतं कृण्वानाः कुर्वाणा मानुशा मनुष्या अयजन्त। यजन्ति। सर्वदेवात्मकं त्वामेव यजन्तीत्यर्थः। तथा देवा अपि त्वां महयाय्याय पूजायै। मह पूजायाम् । अस्मादौणादिको भाव आय्यप्रत्य्त्यः। आत्मनः पूजार्थं वावृधुः। वर्धयन्ति। किं कुर्वन्तः। अध्वरे। ध्वरो हिंसानिमित्तः प्रत्यवायः। तद्रहिते याज आज्यम् । उपलक्षणमेतत्। आज्योपलक्षतं सर्वं हविर्निमृजन्तस्त्वयि निमार्जयन्तः। प्रक्शिपन्त इत्यर्थः॥७॥