उ॒षा अप॒ स्वसु॒स्तम॒ः सं व॑र्तयति वर्त॒निं सु॑जा॒तता॑ ॥
उ॒षाः । अप॑ । स्वसुः॑ । तमः॑ । सम् । व॒र्त॒य॒ति॒ । व॒र्त॒निम् । सु॒ऽजा॒तता॑ ॥
दशमेऽहनि प्रातरनुवाक उषस्ये क्रतावुषो भद्रेभिरित्यस्याः स्थान उषा अप स्वसुरित्येषा। सूत्रितं च। उषा आप स्वसुस्तम इति पच्छो द्विपदां त्रिरुषस्ये। आ. ८-१२। इति॥
इयमुषाः स्वसुर्भगिन्या रात्रेः सम्बन्धि तमोऽन्धकारमप सं वर्तयति। आत्मीयेन तेजसापगमयति। सुजातता सुजातत्वमात्मनः सुप्रजातत्वम् च वर्तनिं रथं प्रापयति॥४॥