मण्डलवर्गीकरणम्

मण्डलम् १०, सूक्तम् ७६, ऋक् ४

संहिता

अप॑ हत र॒क्षसो॑ भङ्गु॒राव॑तः स्कभा॒यत॒ निरृ॑तिं॒ सेध॒ताम॑तिम् ।
आ नो॑ र॒यिं सर्व॑वीरं सुनोतन देवा॒व्यं॑ भरत॒ श्लोक॑मद्रयः ॥

पदपाठः

अप॑ । ह॒त॒ । र॒क्षसः॑ । भ॒ङ्गु॒रऽव॑तः । स्क॒भा॒यत॑ । निःऽऋ॑तिम् । सेध॑त । अम॑तिम् ।
आ । नः॒ । र॒यिम् । सर्व॑ऽवीरम् । सु॒नो॒त॒न॒ । दे॒व॒ऽअ॒व्य॑म् । भ॒र॒त॒ । श्लोक॑म् । अ॒द्र॒यः॒ ॥

सायणभाष्यम्

हे आद्रयह् यूयमप हत विनाशयत रक्षसो राक्षसान्। कीदृशान्। भङ्गुरावतो भञ्जकेन कर्मणा तद्वतः। तथा स्कभायत दूरे परिहरत निरृतिं पापदेवतां। यथामुं यज्ञम् नागच्छति तथा। किञ्च सेधत निषेधतामतिं हिंसामतिं रक्षः प्रभृतिं। किञ्च नोऽस्माकं सर्ववीरं बहुपुत्राद्युपेतं रयिं धनमासुनोतन। अभिषवेन पुत्रधनादीनां लाभादेवमुक्तम्। किञ्च देवाव्यं देवप्रीणनं श्लोकं भरत। सम्पादयत॥४॥

  • अनुवाकः 
  • अष्टकः 
  • अध्यायः 
  • वर्गः