आहा॑र्षं॒ त्वावि॑दं त्वा॒ पुन॒रागा॑ः पुनर्नव ।
सर्वा॑ङ्ग॒ सर्वं॑ ते॒ चक्षु॒ः सर्व॒मायु॑श्च तेऽविदम् ॥
आ । अ॒हा॒र्ष॒म् । त्वा॒ । अवि॑दम् । त्वा॒ । पुनः॑ । आ । अ॒गाः॒ । पु॒नः॒ऽन॒व॒ ।
सर्व॑ऽअङ्ग । सर्व॑म् । ते॒ । चक्षुः॑ । सर्व॑म् । आयुः॑ । च॒ । ते॒ । अ॒वि॒द॒म् ॥
हे व्याधि गृहीत त्वा त्वामाहार्षम्। मृत्योः सकाशादाहृतवानस्मि। अत एव त्वा त्वामविदम्। अलप्सि। हे पुनर्नव पुनरभिनव पुनरागाः। पुनरस्मत्समीपमागच्छ। हे सर्वाङ्ग सर्वैरविकलैरङ्गैरुपेत ते तव सर्वम् चक्षुः। उपलक्षणमेतत्। इन्द्रियवर्गं सकलमविदम्। लब्धवानस्मि। ते तवायुर्जीवनं च सर्वं सम्पूर्णमविदम्॥५॥